Norsk Fjordsenter ligg i Geiranger og er besøkssenteret for verdsarven Vestnorsk Fjordlandskap. Senteret ligg i eit moderne, arkitektteikna bygg som huser både utstillingar, kafé, butikk – og eit spennande arbeidsfellesskap. Her er verdsarvstiftinga lokalisert saman med reiselivsbedrifter, verneområdeforvaltning og SNO (Statens Naturoppsyn) i flotte kontorfasilitetar som kan leigast for kortare eller lengre periodar. Du får tilgang til delt kontor, møterom og kjøkken/kantine og kan fordjupe deg i arbeidet ditt, samtidig som du har kort veg til flotte uteområde, kulturhistoriske bygg og ikkje minst Fossevandringa – ein sti bygd i cortenstål tett på Storfossen. Vandringa tek deg raskt ned til skulen og sentrum i bygda.

Fosseråsa, Noregs fyrste autoriserte nasjonale turiststi, passerer like forbi senteret og held fram opp skogslia til Storsæterfossen. Vil du ha ei pause i kvardagen, er det lett å stikke ut og hente ny inspirasjon eller berre kvile hovudet.

• Gode kontorfasilitetar
• Cowork, kontorfellesskap og nettverk
• Delt eller eige kontor, møterom og kjøkken/kantine
• Kort veg til sentrum, butikkar og attraksjonar